Hum se Abdullah Bin Abi Shaiba ne bayan kiya, kaha hum se Abu Usama ne, kaha hum se Hisham Bin Urwah ne, un se un ke walid ne bayan kiya, un se Aisha (Radi Allahu Anha) ne bayan kiya ke jab Rasul Allah (Sallallahu Alaihi Wasallam) ki wafat hui to mere ghar mein aadhe wasaq jau ke siwa jo ek taaq mein rakhe hue thay aur koi cheez aisi nahi thi jo kisi jigar wale (jandar) ki khorak ban sakti. Mein isi mein se khati rahi aur bahut din guzar gaye. Phir mein ne is mein se naap kar nikalna shuru kiya to wo jaldi khatam ho gaye
.