Hum se Sadaqah Bin Fazl ne bayan kiya, kaha hum ko Abdah ne khabar di, unhein Hisham ne, unhein Wahb Bin Kaisan ne aur un se Jabir (Radi Allahu Anhu) ne bayan kiya ke hum (ek ghazwah par) nikle. Hamari tadaad teen sau thi, hum apna ration apne kandhon par uthaye hue thay. Aakhir hamara tosha jab (taqreeban) khatam ho gaya, to ek shakhs ko rozana sirf ek khajoor khane ko milne lagi. Ek shagird ne poocha, ae Abu Abdullah! (Jabir Radi Allahu Anhu) ek khajoor se bhala ek aadmi ka kya banta ho ga? Unhon ne farmaya ke is ki qadar humein us waqt maloom hui jab ek khajoor bhi baqi nahi reh gayi thi. Is ke baad hum darya par aaye to ek aaisi machhli mili jise darya ne bahar phenk diya tha. Aur hum athara din tak khoob ji bhar kar isi ko khate rahe
.