Hum se Ibrahim Bin Musa ne bayan kiya, kaha hum ko Hisham ne khabar di, unhein Ma'mar ne, unhein Zuhri ne, unhein Ibn-ul-Musayyib ne aur un se Abu Hurairah (Radi Allahu Anhu) ne bayan kiya ke Habsha ke kuch log Nabi Kareem (Sallallahu Alaihi Wasallam) ke samne hirab (chhote neze) ka khel dikhla rahe thay ke Umar (Radi Allahu Anhu) aa gaye aur kankriyan utha kar unhein un se mara. Lekin aap (Sallallahu Alaihi Wasallam) ne farmaya "Umar unhein khel dikhane do." Ali Bin Madini ne ye bayan ziyada kiya ke hum se Abdur Razzaq ne bayan kiya, unhein Ma'mar ne khabar di ke masjid mein (ye sahaba Radi Allahu Anhum apne khel ka muzahira kar rahe thay)
.