Hum se Adam ne bayan kiya, kaha hum se Ibn Abi Zaib ne bayan kiya, kaha hum se Zuhri ne bayan kiya, un se Ubaidullah Bin Abdullah ne aur un se Abu Hurairah aur Zaid Bin Khalid Juhani (Radi Allahu Anhuma) ne bayan kiya ke ek dehati aaya aur arz kiya, ya Rasul Allah! hamare darmiyan Kitab-ullah se faisla kar dijiye. Doosre fareeq ne bhi yahi kaha ke us ne sach kaha hai. Aap hamara faisla Kitab-ullah ke mutabiq kar dein. Dehati ne kaha ke mera larka is ke yahan mazdoor tha. Phir us ne is ki biwi se zina kiya. Qoum ne kaha tumhare larke ko rajam kiya jaye ga, lekin mein ne apne larke ke is jurm ke badle mein sau bakriyan aur ek bandi de di, phir mein ne ilm walon se poocha to unhon ne bataya ke is ke siwa koi soorat nahi ke tumhare larke ko sau kore lagaye jayein aur ek saal ke liye mulk-badar kar diya jaye. Nabi Kareem (Sallallahu Alaihi Wasallam) ne farmaya "Mein tumhara faisla Kitab-ullah hi se karoon ga. Bandi aur bakriyan to tumhein wapas lauta di jati hain, albatta tumhare larke ko sau kore lagaye jayein ge aur ek saal ke liye mulk-badar kiya jaye ga aur Unais tum (ye qabila Aslam ke Sahabi thay) is aurat ke ghar jao aur ise rajam kar do (agar wo zina ka iqrar kar le) chunanchay Unais gaye, aur (chunke us ne bhi zina ka iqrar kar liya tha is liye) ise rajam kar diya."
.