Hum se Muhammad Bin Abdur Raheem ne bayan kiya, kaha hum ko Saeed Bin Suleman ne khabar di, un se Marwan Bin Shuja ne bayan kiya, un se Salim Afat-s ne aur un se Saeed Bin Jubair ne bayan kiya ke Heera ke Yahudi ne mujh se poocha, Musa (Alaihis Salam) ne (apne mehar ke ada karne mein) kaun si muddat poori ki thi? (Yani aath saal ki ya das saal ki, jin ka Quran mein zikar hai) mein ne kaha ke mujhe maloom nahi, han! Arab ke bare aalim ki khidmat mein hazir ho kar pooch loon (to phir tumhein bata doon ga) chunanchay mein ne Ibn Abbas (Radi Allahu Anhuma) se poocha to unhon ne bataya ke Aap ne bari muddat poori ki (das saal ki) jo donon muddaton mein behtar thi. Rasul Allah (Sallallahu Alaihi Wasallam) bhi jab kisi se wada karte to poora karte thay
.