Hum se Ubaid Bin Ismail ne bayan kiya, kaha hum se Abu Usama ne bayan kiya, un se Hisham ne, unhein un ke walid ne khabar di ke Hakim Bin Hizam (Radi Allahu Anhu) ne apne kufr ke zamane mein sau ghalam azad kiye thay aur sau ont logon ki sawari ke liye diye thay. Phir jab Islam laye to sau ont logon ki sawari ke liye diye aur sau ghalam azad kiye. Phir unhon ne bayan kiya ke mein ne Rasul Allah (Sallallahu Alaihi Wasallam) se poocha. Ya Rasul Allah! baaz in naik amaal ke mutalliq Aap ka kya khayal hai jinhon ne mein ba-niyat-e-sawab kufr ke zamana mein kiya karta tha (Hisham Bin Urwah ne kaha ke "ata-hannasu biha" ke maani "atabarraru biha" ke hain) unhon ne kaha ke Rasul Allah (Sallallahu Alaihi Wasallam) ne is par farmaya "Jo nekiyan tum pehle kar chuke ho wo sab qaim rahein gi."
.