Aur Hasan aur Qatadah ne kaha ke jab kisi ki taraf qarz muntaqil kiya ja raha tha to agar us waqt wo maldar tha to ruju jayez nahi hawala poora ho gaya. Aur Ibn Abbas (Radi Allahu Anhuma) ne kaha ke agar sajhiyon aur warison ne yun taqseem ki, kisi ne naqad maal liya kisi ne qarza, phir kisi ka hissa doob gaya to ab wo doosre sajhi ya waris se kuch nahi lay sakta
.

Hum se Abdullah Bin Yusuf ne bayan kiya, kaha ke hum ko Imam Malik (Rahimahullah) ne khabar di, unhein Abuz Zanad ne, unhein Aaraj ne aur unhein Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya (qarz ada karne mein) maldar ki taraf se taal matol karna zulm hai. Aur agar tum mein se kisi ka qarz kisi maldar par hawala diya jaye to ise qabool kare
.