(Jumhoor ulama ka ye qaul hai ke jis cheez ka khana haram hai us ka bechna bhi haram hai) is ko Jabir (Radi Allahu Anhu) ne Nabi Kareem (Sallallahu Alaihi Wasallam) se naqal kiya hai
.

Hum se Humaidi ne bayan kiya, un se Sufyan ne, un se Amr Bin Dinar ne bayan kiya, kaha ke mujhe Tawus ne khabar di, unhon ne Ibn Abbas (Radi Allahu Anhuma) se suna, aap farmate thay ke Umar (Radi Allahu Anhu) ko maloom hua ke falan shakhs ne sharab farokht ki hai, to aap ne farmaya ke ise Allah Ta'ala tabah-o-barbad kar day. Kya ise maloom nahi ke Rasul Allah (Sallallahu Alaihi Wasallam) ne farmaya tha, Allah Ta'ala Yahood ko barbad kare ke charbi un par haram ki gayi thi lekin un logon ne ise pighla kar farokht kiya
.