Hum se Sadaqa Bin Fazal ne bayan kiya, unhon ne kaha ke hum ko Ismail Bin Aliyyah ne khabar di, kaha ke mujhe Yahya Bin Abi Ishaq ne khabar di, un se Abdur Rahman Bin Abi Bakrah ne bayan kiya, un se Abu Bakrah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya, sona sone ke badle mein is waqt tak na becho jab tak (donon taraf se) barabar barabar (ki lein dein) na ho. Isi tarah chandi, chandi ke badla mein is waqt tak na becho jab tak (donon taraf se) barabar barabar na ho. Albatta sona, chandi ke badal aur chandi sone ke badal mein jis tarah chaho becho
.