Aur baaz ne kaha ye bai hi jaiz nahi aur Ibn Abi Aufa ne kaha ke «najish» sood khwar aur khain hai. Aur «najash» fareb hai, khilaf-e-shara bilkul durust nahi. Nabi Kareem (Sallallahu Alaihi Wasallam) ne farmaya ke fareb dozakh mein le jaye ga aur jo shakhs aisa kaam kare jis ka hukm hum ne nahi diya to wo mardood hai
.

Hum se Abdullah Bin Muslimah Qanabi ne bayan kiya, kaha ke hum se Imam Malik ne bayan kiya, un se Nafay ne, aur un se Abdullah Bin Umar (Radi Allahu Anhuma) ne ke Nabi Kareem (Sallallahu Alaihi Wasallam) ne «najash» (fareb, dhoka) se mana farmaya tha
.