Mujh se Muhammad ne bayan kiya, kaha ke hum se Abdullah Bin Yazid ne bayan kiya, un se Saeed Bin Abi Ayyub ne bayan kiya, kaha ke mujh se Abu-al-Aswad ne bayan kiya, un se Urwah ne ke Aisha (Radi Allahu Anha) ne farmaya ke Rasul Allah (Sallallahu Alaihi Wasallam) ke sahaba (Radi Allahu Anhum) apne kaam apne hi hathon se kiya karte thay aur (zyada mehnat-o-mashaqqat ki wajah se) un ke jism se (pasine ki) boo aa jati thi. Is liye un se kaha gaya ke agar tum ghusl kar liya karo to behtar ho ga. Is ki riwayat Hammam ne apne walid se aur unhon ne apne baap se aur unhon ne Aisha (Radi Allahu Anha) se ki hai
.