Aur Matar Warraq ne kaha ke is mein koi haraj nahi hai aur Quran Majeed mein is ka zikr hai wo bahar-haal haqq hai. Is ke baad unhon ne (Surah-al-Nahl ki ye) ayat parhi «wa-tara-al-fulka mawa-khira feehi wa-li-tabtaghoo min-fadlih» ”Aur tum dekhte ho kashtiyon ko ke is mein chalti hain pani ko cheerti hui taake tum talash karo is ke fazal se.“ Is ayat mein lafz «fulk» kashti ke maani mein hai, wahid aur jama donon ke liye ye lafz isi tarah istemal hota hai. Mujahid (Rahimahullah) ne (is ayat ki tafseer mein) kaha ke kashtiyan hawa ko cheerti chalti hain aur hawa ko wahi kashtiyan (dekhne mein saaf taur par) cheerti chalti hain jo bari hoti hain
.

Liath ne kaha ke mujh se Jafar Bin Rabia ne bayan kiya, un se Abdur Rahman Bin Hurmuz ne aur un se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne Bani Israel ke ek shakhs ka zikr kiya. Jis ne samandar ka safar kiya tha aur apni zaroorat poori ki thi. Phir poori hadees bayan ki
.