Imam Bukhari (Rahimahullah) ne kaha ke Ishaq Bin Rahwayh ne (is ki tashreeh mein) kaha ke agar ye kam bhi hon phir bhi (ajr ke aitbar se) tees din ka sawab milta hai Muhammad Bin Sireen (Rahimahullah) ne kaha (matlab ye hai) ke donon ek saal mein naqis (untees untees din ke) nahi ho sakte
.

Hum se Musaddad ne bayan kiya, kaha hum se Mutamir Bin Suleiman ne bayan kiya, kaha ke mein ne Ishaq se suna, unhon ne Abdur Rahman Bin Abi Bakrah (Radi Allahu Anhu) se, unhon ne apne walid se, unhon ne Nabi Kareem (Sallallahu Alaihi Wasallam) se (doosri sanad) Imam Bukhari (Rahimahullah) ne kaha aur mujhe Musaddad ne khabar di, un se Mutamir ne bayan kiya, un se Khalid Hazza ne bayan kiya ke mujhe Abdur Rahman Bin Abi Bakrah (Radi Allahu Anhu) ne khabar di aur unhein un ke walid ne ke Nabi Kareem (Sallallahu Alaihi Wasallam) ne farmaya donon mahine naqis nahi rehte. Murad Ramzan aur Dhul Hijjah ke donon mahine hain
.