Hum se Ibrahim Bin Musa ne bayan kiya, kaha ke hum ko Hisham Bin Yusuf ne khabar di, unhein Ibn Juraij ne kaha ke mujhe Ata ne khabar di, unhein Abu Salih (jo roghan-e-zaitoon aur ghee bechte thay) ne unhon ne Abu Hurairah (Radi Allahu Anhu) se suna ke Rasul Allah (Sallallahu Alaihi Wasallam) ne farmaya, Allah Paak farmata hai ke insan ka har naik amal khud isi ke liye hai magar roza ke wo khas mere liye hai aur mein hi is ka badla doon ga aur roza gunahon ki ek dhaal hai, agar koi roze se ho to usay fuhsh goi na karni chahiye aur na shor machaye, agar koi shakhs is ko gaali de ya larna chahe to is ka jawab sirf ye ho ke mein ek roza dar aadmi hoon, is zaat ki qasam jis ke hath mein Muhammad (Sallallahu Alaihi Wasallam) ki jaan hai! roza dar ke munh ki boo Allah Ta'ala ke nazdeek mushk ki khushboo se bhi zyada behtar hai, roza dar ko do khushiyan hasil hon gi (ek to jab) wo iftar karta hai to khush hota hai aur (doosre) jab wo apne Rabb se mulaqat kare ga to apne roze ka sawab pa kar khush ho ga
.