Hum se Abu-al-Walid ne bayan kiya, kaha hum se Shuba ne bayan kiya, un se Abu Ishaq ne ke mein ne Bara Bin Azib (Radi Allahu Anhu) se suna, unhon ne kaha ke ye ayat hamare bare mein nazil hui. Ansar jab Hajj ke liye aate to (ihram ke baad) gharon mein darwazon se nahi jate balkay diwaron se kood kar (ghar ke andar) dakhil hua karte thay phir (Islam lane ke baad) ek Ansari shakhs aya aur darwaze se ghar mein dakhil ho gaya is par logon ne lanat malamat ki to ye wahy nazil hui ke ”ye koi naiki nahi hai ke gharon mein peeche se (diwaron par charh kar) ao balkay naik wo shakhs hai jo taqwa ikhtiyar kare aur gharon mein un ke darwazon se aya karo.“
.