Hum se Qutaiba Bin Saeed ne bayan kiya, un se Jareer ne bayan kiya, un se Mansoor ne, un se Mujahid ne bayan kiya ke mein aur Urwah Bin Zubair Masjid-e-Nabwi mein dakhil hue, wahan Abdullah Bin Umar (Radi Allahu Anhuma) Aisha (Radi Allahu Anha) ke hujra ke paas baithe hue thay, kuch log Masjid-e-Nabwi mein Ishraq ki namaz parh rahe thay. Unhon ne bayan kiya ke hum ne Abdullah Bin Umar se in logon ki is namaz ke mutaliq poocha to aap ne farmaya ke bidat hai, phir un se poocha ke Nabi Kareem (Sallallahu Alaihi Wasallam) ne kitne umray kiye thay? Unhon ne kaha ke chaar, ek un mein se Rajab mein kiya tha, lekin hum ne pasand nahi kiya ke un ki is baat ki tardeed karein
.