Hum se Amr Bin Hafs ne bayan kiya, kaha ke hum se hamare walid ne bayan kiya, un se Aamash ne bayan kiya, un se Ibrahim Nakhai ne bayan kiya, un se Aswad ne aur un se Aisha (Radi Allahu Anha) ne bayan kiya ke Makkah se rawangi ki raat Safiya (Radi Allahu Anha) haiza theen, unhon ne kaha ke aisa maloom hota hai mein in logon ke rokne ka bais ban jaoon gi, phir Nabi Kareem (Sallallahu Alaihi Wasallam) ne farmaya «Aqra Halqa» kya tu ne qurbani ke din Tawaf-ul-Ziyarah kiya tha? Is ne kaha ke ji haan kar liya tha, Aap (Sallallahu Alaihi Wasallam) ne farmaya ke phir chalo
.