Aur Nafi ne kaha ke Abdullah Bin Umar (Radi Allahu Anhuma) jab Madinah se qurbani ka janwar apne sath le kar jate to Zu Al-Hulaifah se ise haar pehna dete aur ishaar kar dete is tarah ke jab ont apna munh qibla ki taraf kiye baitha hota to is ke dahne kohan mein neze se zakham laga dete
.

Hum se Ahmad Bin Muhammad ne bayan kiya, unhon ne kaha hum ko Abdullah ne khabar di, unhon ne kaha ke hum ko Ma'mar ne khabar di, unhein Zuhri ne, unhein Urwah Bin Zubair ne, aur un se Miswar Bin Makhramah (Radi Allahu Anhuma) aur Marwan ne bayan kiya ke Nabi Kareem (Sallallahu Alaihi Wasallam) Madinah se taqreeban apne ek hazar sathiyon ke sath (Haj ke liye nikle) jab Zi Al-Hulaifah pohanche to Nabi Kareem (Sallallahu Alaihi Wasallam) ne hadyi ko haar pehnaya aur ishaar kiya phir Umrah ka ihram bandha
.