Hum se Musaddad ne byaan kiya , kaha ke hum se Hammad bin Zaid ne byaan kiya , un se Zubayr bin Arabi ne byaan kiya ke ek shakhs ne Ibn Umar razi Allahu anhuma se Hajr-e-Aswad ke bosa dene ke mutalliq poocha to unhon ne batlaya ke ”Maine Rasool Allah salla Allahu alaihi wasallam ko us ko bosa dete dekha hai .“ Is ke baad us shakhs ne kaha agar hujoom ho jaye aur main aajiz ho jaon to kya karoon ? Ibn Umar razi Allahu anhuma ne farmaya ke ”Is agar magar ko Yemen mein ja kar rakho maine to Rasool Allah salla Allahu alaihi wasallam ko dekha ke Aap us ko bosa dete thay .“