Aur Umm-ul-Moomineen Aisha Siddiqa razi Allahu anha ne kaha ke Rasool Allah salla Allahu alaihi wasallam ne farmaya ”Ek fauj Baitullah par charhayi kare gi aur woh zameen mein dhansa di jaye gi .“

Hum se Amru bin Ali Fallas ne byaan kiya , kaha ke hum se Yahya bin Saeed Qattan ne byaan kiya , kaha ke hum se Ubaidullah bin Akhnas ne byaan kiya , kaha ke mujh se Ibn Abi Malaikah ne byaan kiya , un se Abdullah bin Abbas razi Allahu anhuma ne aur un se Nabi Karim salla Allahu alaihi wasallam ne farmaya ”Goya meri nazron ke saamne woh patli taangon wala siyah aadmi hai jo Khana-e-Kaaba ke ek ek patthar ko ukhaar phenke ga .“