Aur Ibn Abbas razi Allahu anhuma ne farmaya ke muhrim khushbu-dar phool soongh sakta hai . Isi tarah aaina dekh sakta hai aur in cheezon ko jo khayi jati hain bataur dawa bhi istemal kar sakte hain . Maslan zaitoon ka tail aur ghee waghera . Aur Ata ne farmaya ke muhrim angoothi pehan sakta hai aur hamyani baandh sakta hai . Ibn Umar razi Allahu anhuma ne tawaf kiya is waqt Aap muhrim thay lekin pait par ek kapra baandha rakha tha . Aisha razi Allahu anha ne jaang-ye mein koi muzaiqa nahi samjha tha . Abu Abdullah (Imam Bukhari rahmatullah alaihi) ne kaha ke Aisha razi Allahu anha ki muraad is hukm se in logon ke liye thi jo in ke haudaj ko oont par kasa karte thay .

Hum se Muhammad bin Yusuf Faryabi ne byaan kiya , kaha ke hum se Sufyan Thauri ne byaan kiya , un se Mansoor ne , un se Saeed bin Jubair ne byaan kiya ke Ibn Umar razi Allahu anhuma sada tail istemal karte thay (ahram ke bawajood) maine is ka zikr Ibrahim Nakh'ee se kiya to unhon ne farmaya ke tum Ibn Umar razi Allahu anhuma ki baat naqal karte ho .