Hum se Muhammad bin Muqatil ne byaan kiya ‘ kaha ke hum ko Abdullah bin Mubarak ne khabar di ‘ kaha ke hum ko Shubah ne khabar di ‘ unhein Saad bin Ibrahim ne ‘ unhein un ke baap Ibrahim bin Abdur Rahman ne ke Abdur Rahman bin Awf razi Allahu anhu ke saamne khana hazir kiya gaya . Woh roza se thay is waqt unhon ne farmaya ke haye! Musab bin Umair razi Allahu anhu shaheed kiye gaye ‘ woh mujh se behtar thay . Lekin un ke kafan ke liye sirf ek chadar muyassar aa saki ke agar is se un ka sar dhaanka jata to paon khul jaate aur paon dhaanke jaate to sar khul jata aur main samajhta hoon ke unhon ne yeh bhi farmaya aur Hamza razi Allahu anhu bhi (isi tarah) shaheed huay woh bhi mujh se achhe thay . Phir un ke baad dunya ki kushadagi hamare liye khoob hui ya yeh farmaya ke dunya humein bohat di gayi aur humein to is ka dar lagta hai ke kahin aisa na ho ke hamari nekiyon ka badla isi dunya mein hum ko mil gaya ho phir Aap is tarah rone lage ke khana bhi chhor diya .