Is ka zikr Anas aur Aisha razi Allahu anhuma ne Nabi Karim salla Allahu alaihi wasallam se kiya hai .

Hum se Ishaq bin Rahwayh ne byaan kiya , kaha ke hum se Yaqub bin Ibrahim ne byaan kiya , kaha ke hum se hamare baap Ibrahim bin Saad ne byaan kiya , un se Ibn Shihab ne kaha ke mujhe Mahmood bin Rabee Ansari razi Allahu anhu ne khabar di ke unhein Nabi Karim salla Allahu alaihi wasallam yaad hain aur Aap salla Allahu alaihi wasallam ki woh kuli bhi yaad hai jo Aap salla Allahu alaihi wasallam ne un ke ghar ke kunwein se paani le kar un ke munh mein ki thi .