Mujh se Muhammad bin Bashar ne byaan kiya , unhon ne kaha ke hum se Muhammad bin Jafar ne byaan kiya , un se Shubah ne byaan kiya , un se Muhammad bin Abdur Rahman ne , un se un ki phoopi Umrah bint Abdur Rahman ne aur un se Aisha Siddiqa razi Allahu anha ne ke Rasool Allah salla Allahu alaihi wasallam (doosri sanad) aur hum se Ahmad bin Yunus ne byaan kiya , kaha ke hum se Zuhayr ne byaan kiya , kaha ke hum se Yahya bin Saeed Ansari ne byaan kiya , un se Muhammad bin Abdur Rahman ne , un se Umrah bint Abdur Rahman ne aur un se Aisha Siddiqa razi Allahu anha ne ke Nabi Karim salla Allahu alaihi wasallam subah ki (farz) namaaz se pehle ki do (sunnat) rakaton ko bohat mukhtasar rakhte thay . Aap ne un mein Surah Fatiha bhi parhi ya nahin main yeh bhi nahin keh sakti .