Is ko Abdullah bin Abbas razi Allahu anhuma ne riwayat kiya .

Hum se Muhammad bin Ala ne byaan kiya , kaha ke hum se Abu Usamah ne byaan kiya , un se Buraid bin Abdullah ne , un se Abu Burdah ne , un se Abu Musa Ash'ari razi Allahu anhu ne ke aik dafa sooraj grahan hua to Nabi Karim salla Allahu alaihi wasallam bohat ghabra kar uthay is dar se ke kahin Qayamah na qaim ho jaye . Aap salla Allahu alaihi wasallam ne masjid mein aa kar bohat hi lamba qayam , lamba ruku aur lambe sajdon ke saath namaaz parhi . Main ne kabhi Aap salla Allahu alaihi wasallam ko is tarah karte nahi dekha tha . Aap salla Allahu alaihi wasallam ne namaaz ke baad farmaya ke yeh nishaniyan hain jinhen Allah Ta'ala bhejta hai yeh kisi ki maut o hayaat ki wajah se nahi aatin balke Allah Ta'ala un ke zariye apne bandon ko darata hai is liye jab tum is tarah ki koi cheez dekho to foran Allah Ta'ala ke zikr aur us se istighfar ki taraf lapko .