Kyunke Allah paak ka irshad hai ke Allah Ta'ala sood ko ghatata hai aur sadqaat ko barhata hai aur Allah Ta'ala kisi nashukre gunahgar ko pasand nahi karta . Woh log jo imaan laye aur naik amal kiye ‘ namaaz qaim ki aur zakat di ‘ unhein in amaal ka un ke Parwardigar ke yahan sawab mile ga aur na unhein koi khauf ho ga aur na woh ghamgeen honge .

Hum se Abdullah bin Muneer ne byaan kiya ‘ unhon ne Abul Nadar Salim bin Abi Umayyah se suna ‘ unhon ne byaan kiya ke mujh se Abdul Rahman bin Abdullah bin Dinar ne byaan kiya ‘ un se un ke walid ne ‘ un se Abu Salih ne aur un se Abu Hurairah razi Allahu anhu ne ke Rasool Allah salla Allahu alaihi wasallam ne farmaya jo shakhs halal kamayi se ek khajoor ke barabar sadqa kare aur Allah Ta'ala sirf halal kamayi ke sadqa ko qabool karta hai to Allah Ta'ala isay apne dahne haath se qabool karta hai phir sadqa karne wale ke fayde ke liye is mein zyada-ti karta hai . Bilkul isi tarah jaise koi apne jaanwar ke bacche ko khila pila kar barhata hai ta-aanke is ka sadqa pahaar ke barabar ho jata hai . Abdul Rahman ke saath is riwayat ki mutaba'at Sulayman ne Abdullah bin Dinar ki riwayat se ki hai aur Warqa ne Ibn Dinar se kaha ‘ un se Saeed bin Yasaar ne ‘ un se Abu Hurairah razi Allahu anhu ne aur un se Nabi Karim salla Allahu alaihi wasallam ne aur is ki riwayat Muslim bin Abi Maryam ‘ Zaid bin Aslam aur Suhail ne Abu Salih se ki ‘ un se Abu Hurairah razi Allahu anhu ne aur un se Nabi Karim salla Allahu alaihi wasallam ne .