Hum se Yahya bin Sulayman ne bayan kiya , unhon ne kaha mujh se Abdullah bin Wahb ne bayan kiya , unhon ne kaha ke mujhe Imam Malik ne bayan kiya , in se Zayd bin Aslam ne bayan kiya , in se Ata bin Yasar ne bayan kiya aur in se Abu Saeed Khudri razi Allahu anhu ne bayan kiya ke Nabi Karim salla Allahu alaihi wasallam ne farmaya ”Allah Ta'ala jannat walon se kahe ga: Ae jannat walo! woh bolein ge hazir teri khidmat ke liye mustaid , saari bhalayi tere donon hathon mein hai . Allah Ta'ala poochhe ga: kiya tum khush ho ? Woh jawab dein ge kyun nahi hum khush hon ge , Ae Rabb! aur tu ne hamain woh cheezin ata ki hain jo kisi makhlooq ko nahi ata kien . Allah Ta'ala farmaye ga kiya main tumhein is se afzhal inaam na doon ? Jan-ti poochhein ge: Ae Rabb! is se afzhal kiya cheez ho sakti hai Allah Ta'ala farmaye ga ke main apni khushi tum par utarta hoon aur ab kabhi tum se naraz nahi hoon ga .“

Hum se Muhammad bin Sinan ne bayan kiya , unhon ne kaha hum se Falih bin Sulayman ne bayan kiya , unhon ne hamase Hilal bin Ali ne bayan kiya , in se Ata bin Yasar ne bayan kiya aur in se Abu Hurairyah razi Allahu anhune bayan kiya ke Rasool Allah salla Allahu alaihi wasallam ek din guftagu kar rahe thay , is waqt Aap ke paas ek badwi bhi thu (farmaya) ke Ahl e Jannat mein se ek shakhs ne Allah Ta'ala se kheti ki ijazat chahi to Allah Ta'ala ne farmaya ke kiya woh sab kuch tumhare paas nahi hai jo tum chahte ho ? Woh kahe ga ke zaroor lekin main chahta hoon ke kheti karoon . Chunanche bahut jaldi woh beej daale ga aur palak jhapak-ne tak is ka ugna , barabar katna aur paharon ki tarah ghallay ke anbar lag jaana ho jaye ga . Allah Ta'ala kahe ga: Ibn e Adam! usay le le , tere pait ko koi cheez nahi bhar sakti . Dehati ne kaha: ya Rasool Allah! is ka maza to Quraishi ya Ansari hi uthayein ge kyunke wahi kheti baari wale hain , hum to kisan hain nahi . Nabi Karim salla Allahu alaihi wasallam ko yeh baat sun kar hansi aa gayi .