Aur is par qasam khayi is dar se ke agar qasam na khaye ga to koi zhahalim is ko maar daale ga ya koi aur saza de ga isi tarah har shakhs jis par zabardasti ki jaye aur woh darta ho to har Musalman par lazim hai ke is ki madad kare zhahalim ka zhulm is par se dafa kare is ke bachane ke liye jang kare is ko dushman ke hath mein na chhorr de phir agar is ne mazhloom ki himayat mein jang ki aur is ke bachane ki gharaz se zhahalim ko maar hi dala to is par qisas lazim na ho ga (na diyat lazim ho gi) aur agar kisi shakhs se yun kaha jaye tu sharab pee le ya murdar kha le ya apna ghulam beich daal ya itne qarz ka iqrar kare (ya is ki dastawaiz likh de) ya falan cheez hiba kar de ya koi aqd torr daal nahi to hum tere deeni baap ya bhai ko maar daalein ge to is ko yeh kaam karne durust ho jayein ge kyunke Nabi Karim salla Allahu alaihi wasallam ne farmaya ke Musalman doosre Musalman ka bhai hai . Aur baaz log kehte hain ke agar is se yun kaha jaye tu sharab pee le ya murdar kha le nahi to hum tere bete ya baap ya mahram rishta-dar , bhai , chacha , mamoon waghaira ko maar daalein ge to is ko yeh kaam karne durust na hon ge na woh muzhtar kehlaye ga phir in baaz logon ne apne qaul ka doosre masla mein khilaf kiya . Kehte hain ke kisi shakhs se yun kaha jaye hum tere baap ya bete ko maar daalte hain nahi to tu apna yeh ghulam beich daal ya itne qarz ka iqrar kar le ya falan cheez hiba kar de to qiyas yeh hai ke yeh sab muamle sahih aur nafizh hon ge magar hum is masla mein istihsan par amal karte hain aur yeh kehte hain ke aaisi halat mein bai aur hiba aur har ek aqd iqrar waghaira batil ho ga in baaz logon ne nata-war aur ghair nata-war mein bhi farq kiya hai . Jis par Quran wa hadees se koi daleel nahi hai aur Nabi Karim salla Allahu alaihi wasallam ne farmaya ke Ibrahim alaihissalam ne apni biwi Sarah ko farmaya yeh meri behen hai Allah ki raah mein deen ki ru se aur Ibrahim Nakhai ne kaha agar qasam lene wala zhahalim ho to qasam khane wale ki niyat moatabar ho gi aur agar qasam lene wala mazhloom ho to is ki niyat moatabar ho gi .

`Hum se Yahya bin Bukair ne bayan kiya, kaha hum se Laith bin Saad ne bayan kiya, un se Aqeel ne, un se Ibn Shihab ne, unhein Salim ne khabar di aur unhein Abdullah bin Umar Radi Allahu Anhuma ne khabar di ke Rasul Allah صلی اللہ علیہ وسلم ne farmaya ”Musalman musalman ka bhai hai na us par zulm kare aur na ise (kisi zalim ke) supard kare aur jo shakhs apne kisi bhai ki zaroorat poori karne mein laga ho ga Allah Ta'ala is ki zaroorat aur haajat poori kare ga.“

Hum se Muhammad bin Abdullah al-Ansari ne bayan kiya , kaha hum se hamare walid ne bayan kiya , kaha hum se Sumama bin Abdullah bin Anas ne bayan kiya , aur in se Anas bin Malik razi Allahu anhu ne bayan kiya ke Abu Bakr razi Allahu anhu ne unhein (Zakat) ka hukm-nama likh kar bheija jo Rasool Allah salla Allahu alaihi wasallam ne farz qarar diya tha ke mutafar-riq sadqa ko ek jagah jama na kiya jaye aur na mujtame sadqa ko mutafar-riq kiya jaye Zakat ke khauf se .