Hum se Abu Mamar ne bayan kiya , jo Abdullah bin Amr hain , kaha hum se Abdul Warith bin Saeed ne Hussain bin Dhakwan se bayan kiya , kaha hum se Abdullah bin Buraida ne , kaha mujh se Abdullah Muzani raziyallahu anhu ne bayan kiya ke Nabi Karim salla Allahu alaihi wa sallam ne farmaya , aisa na ho ke maghrib ki namaz ke naam ke liye arab yani dehati logon ka muhawara tumhari zubanon par charh jaye . Abdullah bin Mughaffal raziyallahu anhu ne kaha ya khud Nabi Karim salla Allahu alaihi wa sallam ne farmaya ke badwi maghrib ko isha kehte thay .