Hum se Hafs bin Umar ne bayan kiya , unhon ne kaha hum se Humam ne bayan kiya , in se Nafi ne aur in se Abdullah bin Umar razi Allahu anhuma ne bayan kiya ke Aisha razi Allahu anha ne Bareera razi Allahu anha ko khareedna chaha aur Rasool Allah salla Allahu alaihi wasallam se kaha ke yeh log walaa ki shart lagate hain . Nabi Karim salla Allahu alaihi wasallam ne farmaya ke khareed lo , walaa to isi ke saath qaim hoti hai jo aazad kare (aazad karaye) .

Hum se Ibn Salam ne bayan kiya , kaha hum ko Waki ne khabar di , unhein Sufyan ne , unhein Mansoor ne , unhein Ibrahim ne , unhein Aswad ne , aur in se Aisha razi Allahu anha ne bayan kiya ke Rasool Allah salla Allahu alaihi wasallam ne farmaya ke walaa is ke saath qaim hu gi jo qeemat de aur ihsan kare (aazad kar ke) .