Hum se Muhammad bin Yusuf ne bayan kiya , in se Warqa ne bayan kiya , in se Ibn Abi Najeeh ne bayan kiya , in se Ata ne aur in se Abdullah bin Abbas razi Allahu anhuma ne bayan kiya ke pehle maal ki aulad mustahiq thi aur walidain ko wasiyat ka haq thu . Phir Allah Ta'ala ne is mein se jo chaha mansookh kar diya aur larkon ko larkiyon ke dugna haq diya aur walidain ko aur in mein se har ek ko chhate hisse ka mustahiq qarar diya aur biwi ko aathvein aur chouthe hisse ka haq-dar qarar diya aur shohar ko aadhe ya chouthayi ka haq-dar qarar diya .