Allah Ta'ala ne (Surah Hood mein) farmaya «laa aasimal-yauma min amrillaahi» , «aasim» ke maani rokne wala . Mujahid ne kaha yeh jo Surah Yaseen mein farmaya «wa ja-alnaa mim-baini ay-deehim saddan» yani ”hum ne haq baat ke maanne se in par aar kar di woh gumrahi (gar-rha) mein dagmagha rahe hain .“ Surah wash-Shams mein jo lafz «dassaahaa» hai is ka maani gumrah kiya .

Hum se Abdan ne bayan kiya , kaha hum ko Abdullah bin Mubarak ne khabar di , kaha hum ko Yunus ne khabar di , in se Zuhri ne bayan kiya , kaha mujh se Abu Salamah ne bayan kiya , in se Abu Saeed Khudri razi Allahu anhu ne ke Nabi Karim salla Allahu alaihi wasallam ne farmaya ”jab bhi koi shakhs hakim hota hai to is ke salah-kaar aur musheer do tarah ke hote hain ek to woh jo usay naiki aur bhalayi ka hukm dete hain aur is par ubhaarte rehte hain aur doosre woh jo usay burayi ka hukm dete hain aur is par usay ubhaarte rehte hain aur masoom woh hai jise Allah mahfooz rakkhe .“