Aur Abu Musa Ash'ari razi Allahu anhu ne kaha ke Nabi Karim salla Allahu alaihi wasallam ne dua ki aur apne hath uthaye to main ne Aap salla Allahu alaihi wasallam ki baghlon ki sufaidi dekhi aur Abdullah bin Umar razi Allahu anhuma ne kaha ke Nabi Karim salla Allahu alaihi wasallam ne apne hath uthaye aur dua farmayi ke ”Ae Allah! Khalid ne jo kuch kiya hai main is se bezar hoon.“

Abu Abdullah Imam Bukhari rahmahullah ne kaha aur Abdul Aziz bin Abdullah Owaysi ne kaha mujh se Muhammad bin Jafar ne bayan kiya, in se Yahya bin Saeed aur Shareek bin Abi Namr ne, unhon ne Anas razi Allahu anhu se suna ke Nabi Karim salla Allahu alaihi wasallam ne apne hath itne uthaye ke main ne Aap ki baghlon ki sufaidi dekhi.