Aur Allah Ta'ala ne (Surah Noon mein) farmaya «hammaazin mash-shaa-im-bi-nameemin» ”aib-jo , chughal-khor“ aur Surah Humazah mein farmaya ”har aib-jo aawaz se kasne wale ki kharabi hai“ «yahmizu wa yalmizu» aur «ya-eebu» sab ke maani ek hain yani aib bayan karta hai , tane maarta hai .

Hum se Abu Nuaym (Fadl bin Dukain) ne bayan kiya , kaha hum se Sufyan Sawri ne bayan kiya , in se Mansoor bin Mutamir ne , in se Ibrahim Nakhai ne , in se Humam bin Haris ne bayan kiya ke hum Huzayfah razi Allahu anhu ke paas maujood thay , in se kaha gaya ke ek shakhs aisa hai jo yahan ki baatein Usman se ja lagata hai . Is par Huzayfah razi Allahu anhu ne kaha ke main ne Nabi Karim salla Allahu alaihi wasallam se suna hai Aap salla Allahu alaihi wasallam ne batlaya ke jannat mein chughal-khor nahi jaye ga .