Aur Allah Ta'ala ka farman «wa laa yaghtab ba-dukum ba-dan ayuhibbu ahadukum ay-ya'kula lahma akheehi maitan fakarihtumoohu wat-taqullaaha innallaaha tawwaabur-raheemun» ”aur tum mein baaz baaz ki gheebat na kare kya tum mein koi chahta hai ke apne murda bhai ka gosht khaye , tum usay napasand karo ge aur Allah se daro , yaqeenan Allah tauba qabool karne wala raham karne wala hai .“

Hum se Yahya bin Musa Balkhi ne bayan kiya , kaha hum se Waki ne bayan kiya , in se Aamash ne bayan kiya , unhon ne Mujahid se suna , woh Taoos se bayan karte thay aur woh Ibn Abbas razi Allahu anhuma se , unhon ne bayan kiya ke Nabi Karim salla Allahu alaihi wasallam do qabron ke paas se guzre aur farmaya ke in donon mardon ko azab ho raha hai aur yeh kisi bare gunah ki wajah se azab mein giraftar nahi hain balkay yeh (ek qabr ka murda) apne peshab ki chheinton se nahi bachta tha (ya peshab karte waqt parda nahi karta tha) aur yeh (doosri qabr wala murda) chughal-khor tha , phir Aap salla Allahu alaihi wasallam ne ek hari shakh mangayi aur usay do tukron mein torr kar donon qabron par gaarr diya is ke baad farmaya ke jab tak yeh shakhein sookh na jayein is waqt tak shayad in donon ka azab halka rahe .