Hum se Usman bin Abi Shaybah ne bayan kiya, kaha hum se Jareer bin Abd-ul-Hameed ne bayan kiya, in se Mansoor bin Mutamir ne, in se Ibrahim Nakhai ne, in se Alqama ne aur in se Abdullah bin Masood razi Allahu anhu ne ke Allah Ta'ala ne husn ke liye godne waliyon, gudwane waliyon par aur chehre ke baal ukharrne waliyon par aur daanton ke darmiyan kushadgi paida karne waliyon par, jo Allah ki khalqat ko badlein in sab par lanat bheji hai, main bhi kyun na in logon par lanat karoon jin par Rasool Allah salla Allahu alaihi wasallam ne lanat ki hai aur is ki daleel ke Nabi Karim salla Allahu alaihi wasallam ki lanat khud Quran Majeed mein maujood hai. Aayat «wa maa ataakum-ur-rasoolu fakhuzhoohu» hai.