Abdullah bin Abbas raziyallahu anhuma ne Quran ki is ayat nazarat laka ma fi batni muharraran jo aulad mere pet mein hai , ya Allah! mein ne isay tere liye azad chhorne ki nazr mani hai . ke mutalliq farmaya ke masjid ki khidmat mein chhor dene ki nazr mani thi ke woh ta umar is ki khidmat kiya kare ga .

Hum se Ahmad bin Waqid ne bayan kiya ke , kaha hum se Hammad bin Zaid ne Thabit Banani ke wastay se , unhon ne Abu Rafe se , unhon ne Abu Hurairah raziyallahu anhu se ke ek aurat ya mard masjid mein jharoo diya karta tha . Abu Rafe ne kaha , mera khayal hai ke woh aurat hi thi . Phir unhon ne Nabi Karim salla Allahu alaihi wa sallam ki hadees naql ki ke aap salla Allahu alaihi wa sallam ne is ki qabr par namaz parhi .