Hum se Yahya ne bayan kiya, unhon ne kaha hum se Waki ne bayan kiya, in se Sufyan ne bayan kiya, in se Ayub ne, in se Abu Qulabah ne, in se Zahdam Jarmi ne, in se Abu Musa yani al-Ash-ari razi Allahu anhu ne bayan kiya ke main ne Rasool Allahsalla Allahu alaihi wasallam ko murghi khate dekha hai.

Hum se Abu Mamar ne bayan kiya, kaha hum se Abd-ul-Waris ne bayan kiya, kaha hum se Ayub bin Abi Tameema ne bayan kiya, in se Qasim ne, in se Zahdam Jarmi ne bayan kiya ke hum se Abu Musa Ash-ari razi Allahu anhu ke paas thay hum mein aur is qabila Jarm mein bhai-charah tha phir khana laya gaya jis mein murghi ka gosht bhi thu, hazireen mein ek shakhs surkh rang ka baitha hua tha lekin woh khane mein shareek nahi hua, Abu Musa razi Allahu anhu ne is se kaha ke tum bhi shareek ho jao. Main ne Rasool Allahsalla Allahu alaihi wasallam ko is ka gosht khate huay dekha hai. Is ne kaha ke main ne murghi ko gandagi khate dekha thu isi waqt se mujhe is se ghinn aane lagi hai aur main ne qasam kha li hai ke ab is ka gosht nahi khaoon ga. Abu Musa razi Allahu anhu ne kaha ke shareek ho jao main tumhein khabar deta hoon ya unhon ne kaha ke main tum se bayan karta hoon ke main Nabi kareem salla Allahu alaihi wasallam ki khidmat mein qabila Ash-ar ke chand logon ko saath le kar hazir hua, main Nabi kareem salla Allahu alaihi wasallam ke samne aaya to Aap khafa thay Aap sadqa ke oont taqseem farma rahe thay. Isi waqt hum ne Nabi kareem salla Allahu alaihi wasallam se sawari ke liye oont ka sawal kiya Nabi kareem salla Allahu alaihi wasallam ne qasam kha li ke Aap hamain sawari ke liye oont nahi dein ge. Aap salla Allahu alaihi wasallam ne farmaya ke mere paas tumhare liye sawari ka koi janwar nahi hai. Is ke baad Nabi kareem salla Allahu alaihi wasallam ke paas ghaneemat ke oont laye gaye to Aap salla Allahu alaihi wasallam ne farmaya ke Ash-ari kahan hain, Ash-ari kahan hain? Bayan kiya ke Nabi kareem salla Allahu alaihi wasallam ne hamain paanch sufaid kohan wale oont de diye. Thori der tak to hum khamosh rahe lekin phir main ne apne sathiyon se kaha ke Nabi kareem salla Allahu alaihi wasallam apni qasam bhool gaye hain aur agar hum ne Nabi kareem salla Allahu alaihi wasallam ko Aap ki qasam ke baare mein ghafil rakkha to hum kabhi falah nahi pa sakein ge. Chunanche hum Aap ki khidmat mein wapas aaye aur arz kiya ke ya Rasool اللہ! Hum ne Aap se sawari ke oont ek martaba maange thay to Aap ne hamain sawari ke liye koi janwar na dene ki qasam kha li thi hamare khayal mein Aap apni qasam bhool gaye hain Nabi kareem salla Allahu alaihi wasallam ne farmaya ke bilashubha Allah hi ki woh zaat hai jis ne tumhein sawari ke liye janwar ata farmaya. Allah ki qasam! Agar Allah ne chaha to kabhi aisa nahi ho sakta ke main koi qasam kha loon aur phir baad mein mujh par wazeh ho jaye ke is ke siwa doosri cheez is se behtar hai aur phir wahi main na karoon jo behtar hai, main qasam torr doon ga aur wahi karoon ga jo behtar ho ga aur qasam torrne ka kaffara ada kar doon ga.