Kab bin Malik se naql hai ke Nabi Karim salla Allahu alaihi wa sallam jab kisi safar se lot kar Madina mein tashreef late to pehle masjid mein jate aur namaz parhte .

Hum se Khalad bin Yahya ne bayan kiya , kaha hum se Misar ne , kaha hum se Muharib bin Dithar ne Jabir bin Abdullah ke wastay se , woh kehte hain ke mein Nabi Karim salla Allahu alaihi wa sallam ki khidmat mein hazir hua . Aap salla Allahu alaihi wa sallam is waqt masjid mein tashreef farma thay . Misar ne kaha mera khayal hai ke Muharib ne chasht ka waqt bataya tha . Nabi Karim salla Allahu alaihi wa sallam ne farmaya ke pehle do rakat namaz parh aur mera Nabi Karim salla Allahu alaihi wa sallam par kuch qarz tha . Jisay aap salla Allahu alaihi wa sallam ne ada kiya aur zyada hi diya .