Mujh se Abdullah bin Muhammad ne bayan kiya , kaha hum se Yaqoob bin Ibrahim ne bayan kiya , kaha ke mujh se mere walid ne bayan kiya , in se Salih ne , in se Ibn Shihab ne aur in se Anas razi Allahu anhu ne bayan kiya ke main parda ke hukm ke baare mein zyada jaanta hoon . Ubayy bin Kabb razi Allahu anhu bhi mujh se is ke baare mein poochha karte thay . Zaynub bint Jahsh razi Allahu anhuma se Rasool Allah salla Allahu alaihi wasallam ki shadi ka mauqa tha . Nabi Karim salla Allahu alaihi wasallam ne in se nikah Madinah Munawwarah mein kiya thu . Din charhne ke baad Nabi Karim salla Allahu alaihi wasallam ne logon ki khane ki dawat ki thi . Aap baithe huay thay aur Aap ke saath baaz aur sahabah bhi baithe huay thay . Is waqt tak doosre log (khane se farigh ho kar) ja chuke thay . Aakhir Aap bhi khare ho gaye aur chalte rahe . Main bhi Aap ke saath chalta raha . Aap Aisha razi Allahu anha ke hujre par pahunche phir Aap ne khayal kiya ke woh log (bhi jo khane ke baad ghar baithe reh gaye thay) ja chuke hon ge (is liye Aap wapas tashreef laye) main bhi Aap ke saath wapas aaya lekin woh log ab bhi isi jagah baithe huay thay . Aap phir wapas aa gaye . Main bhi Aap ke saath dobara wapas aaya . Aap Aisha razi Allahu anha ke hujra par pahunche phir Aap wahan se wapas huay . Main bhi Aap ke saath tha . Ab woh log ja chuke thay . Is ke baad Nabi Karim salla Allahu alaihi wasallam ne apne aur meere darmiyan parda latkaya aur parda ki aayat nazil hui .