Hum se Abdullah bin Yusuf ne byaan kiya , unhon ne kaha hum ko Imam Malik ne khabar di , unhein Nafi ne aur unhein Abdullah bin Umar razi Allahu anhuma ne ke Rasool Allah salla Allahu alaihi wasallam ne farmaya ke Hafiz e Quran ki misal rassi se bandhe huay oont ke malik jaisi hai aur woh is ki nigrani rakkhe ga to woh usay rok sake ga warna woh rassi turwa kar bhaag jaye ga .

Hum se Muhammad bin Ar'arah ne byaan kiya , unhon ne kaha hum se Shubah ne byaan kiya , un se Mansoor ne , un se Abu Wail ne aur un se Abdullah bin Masood razi Allahu anhu ne byaan kiya ke Nabi Karim salla Allahu alaihi wasallam ne farmaya ke bahut bura hai kisi shakhs ka yeh kehna ke main falan falan aayat bhool gaya balkay yun (kehna chahiye) ke mujhe bhula diya gaya aur Quran Majeed ka parhna jaari rakho kyunke insanon ke dilon se door ho jaane mein woh oont ke bhaagne se bhi barh kar hai . Hum se Usman bin Abi Shaybah ne byaan kiya , kaha hum se Jareer bin Abdul Hameed ne , aur in se Mansoor bin Mutamir ne pichhli hadees ki tarah . Muhammad bin Ar'arah ke saath is ko بشر bin Abdullah ne bhi Abdullah bin Mubarak se , unhon ne Shubah se riwayat kiya hai aur Muhammad bin Ar'arah ke saath is ko Ibn Jurayj ne bhi Abdah se , unhon ne Shaqeeq se , unhon ne Abdullah bin Masood se aisa hi riwayat kiya hai .

Hum se Muhammad bin Alaa ne byaan kiya , kaha hum se Abu Usamah ne byaan kiya , un se Burayd ne , un se Abu Burdah ne aur un se Abu Musa razi Allahu anhu ne ke Nabi Karim salla Allahu alaihi wasallam ne farmaya ”Quran Majeed ka parhte rehna lazim pakar lo“ is zaat ki qasam jis ke hath mein meri jaan hai woh oont ke apni rassi turwa kar bhaag jaane se zyada tezi se bhaagta hai .