Ibn Abbas razi Allahu anhuma ne «waswaasin» ke mutalliq batlaya ke jab bacha paida hota hai Shaytan us ko chaunka lagata hai . Agar wahan Allah ka naam liya gaya to woh bhaag jata hai warna bache ke dil par jamm jata hai .

Hum se Ali bin Abdullah ne byaan kiya , un se Sufyan ne byaan kiya , un se Abdah bin Abi Lubabah ne byaan kiya , un se Zirr bin Hubaysh ne (Sufyan ne kaha) aur hum se Aasim ne bhi byaan kiya , un se Zirr ne byaan kiya ke main ne Ubayy bin Kabb razi Allahu anhu se poocha ke ya Aba al-Munzhir! Aap ke bhai Abdullah bin Masood razi Allahu anhu to yeh kehte hain ke Surah Muawwizhatayn Quran mein dakhil nahi hain . Ubayy bin Kabb ne kaha ke main ne Rasool Allah salla Allahu alaihi wasallam se is baat ko poocha tha . Nabi salla Allahu alaihi wasallam ne mujh se farmaya ke (Jibraeel alaihissalam ki zabani) mujh se yun kaha gaya ke aisa kahiye aur main ne kaha , Ubayy bin Kabb razi Allahu anhu ne kaha ke hum bhi wahi kehte hain jaisa ke Rasool Allah salla Allahu alaihi wasallam ne farmaya th .