Hum se Yahya bin Musa ne byaan kiya, kaha hum se Abdur Razzaq ne byaan kiya, un se Mamar ne, un se Abdul Kareem Jazari ne, un se Ikrimah ne byaan kiya aur un se Ibn Abbas razi Allahu anhuma ne byaan kiya Abu Jahl ne kaha tha ke agar main ne Muhammad salla Allahu alaihi wasallam ko Kaaba ke paas namaz parhte dekh liya to is ki gardan main kachal doon ga. Nabi Karim salla Allahu alaihi wasallam ko jab yeh baat pahunchi to Aap salla Allahu alaihi wasallam ne farmaya ke agar is ne aisa kiya hota to usay farishte pakar lete. Abdur Razzaq ke saath is hadees ko Amr bin Khalid ne riwayat kiya hai, un se Ubaydullah ne, un se Abdul Kareem ne byaan kiya.