Mujahid ne kaha (Surah Saba mein jo hai) «wa yaqzhifoona bil-ghaybi min makaanin baeedin» is ka matlab yeh hai ke door hi se ghaib ke golay phenkte rehte hain . Aur «yaqzhifoona min kulli jaanibin» ka matlab yeh hai ke shayateen par har taraf se maar parti hai . «wa lahum azhaabun waasibun» yani hamesha ka azab (ya sakht azab) . «ta'toonana anil yameeni» ka matlab yeh hai ke kafir shayateen se kahein ge tum haq baat ki taraf se hamare paas aate thay . «ghaulun» ka maani pait ka dard (ya sar ka dard) . «wa la hum yunzhafoona» aur na un ki aqal mein futoor aaye ga . «qareenun» Shaytan . «yuhra'oona» dauraye jate hain . «yaziffoona» nazdeek nazdeek paon rakh kar daur rahe hain . «wa baynahu wa baynal jinnati nasaban» Quraysh ke kafir farishton ko Allah ki betiyaan aur un ki maayein sardar jinon ki betiyon (pariyon) ko qarar dete thay . «wa laqad alimatil jinnatu innahum lamuhdaroona» yani jinon ko maloom hai ke un ko Qayamat ke din hisab ke liye hazir hona pare ga aur Ibn Abbas razi Allahu anhuma ne kaha «lanahnus-saaffoona» yeh farishton ka qaul hai . «siratal jaheemi» , «sawa'al jaheemi» donon ke maani «wastul jaheemi» ke hain yani jahannum ke beechon beech . «lashawban min hameemin» yani un ke khane mein garm kholte huay pani ki malooni ki jaye gi . «mad-hooran» dhutkara hua . «baidun maknoonun» bandhe huay moti . «wa tarakna alayhi fil aakhireena» is ka zikr e khair pichhle logon mein baqi rakkha . «yastas-khiroona» thattha karte hain . «baalan» ke maani Rabb , mabood (Yaman walon ki lughat mein) . «asbaabun» se aasman murad hain .