Hum se Suleman Bin Harb ne bayan kiya, kaha hum se Hammad ne bayan kiya, un se Ayub ne, un se Muhammad ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Qabila Aslam, Ghifar aur Muzainah aur Juhniya ke kuch log ya unhon ne bayan kiya ke Muzainah ke kuch log ya (bayan kiya ke) Juhainah ke kuch log Allah Ta'ala ke nazdeek ya bayan kiya ke qiyamat ke din qabila Asad, Tamim, Hawazin aur Ghatafan se behtar hon ge
."

Hum se Abu Al-Numaan ne bayan kiya, unhon ne kaha hum se Abu Awana ne bayan kiya, un se Bishr ne, un se Saeed Bin Jubair ne aur un se Abdullah Bin Abbas (Radi Allahu Anhuma) ne ke agar tum ko Arab ki Jahilliyat maloom karna accha lage to Surah Al-Anaam mein ek sou tees aayaton ke baad ye aayatein parh lo «qad khasirallazina qatalu auladahum safahan bighairi ilmin» ”Yaqeenan wo log tabah hue jinhon ne apni aulad ko nadani se maar dala.“ se le kar «qad dallu wa ma kanu muhtadeena» ”Wo gumrah hain, raah pane wale nahi.“ tak
.