Aur Amr Bin Huraiz (Radi Allahu Anhu) ne is ko jaiz kaha hai aur farmaya ke jhoote be-iman ke sath aaisi soorat ikhtiyar ki ja sakti hai. Shabi, Ibn Sirin, Ata aur Qatada ne kaha ke jo koi kisi se koi baat sune to is par gawahi de sakta hai go wo is ko gawah na banaye aur Hasan Basri (Rahimahullah) ne kaha ke ise is tarah kehna chahiye ke agarche in logon ne mujhe gawah nahi banaya lekin mein ne is tarah se suna hai
.

Hum se Abu Al-Yaman ne bayan kiya, unhon ne kaha hum ko Shoaib ne khabar di Zuhri se ke Salim ne bayan kiya, unhon ne Abdullah Bin Umar (Radi Allahu Anhuma) se suna, Aap kehte thay ke Rasul Allah (Sallallahu Alaihi Wasallam) Ubai Bin Kaab Ansari (Radi Allahu Anhu) ko sath le kar khajoor ke is bagh ki taraf tashreef le gaye jis mein Ibn Sayyad tha. Jab Rasul Allah (Sallallahu Alaihi Wasallam) bagh mein dakhil hue to Aap (Sallallahu Alaihi Wasallam) darakhton ki aar mein chhup kar chalne lage. Aap (Sallallahu Alaihi Wasallam) chahte thay ke Ibn Sayyad Aap ko dekhne na paye aur is se pehle Aap is ki batein sun sakein. Ibn Sayyad ek roien-dar chadar mein zameen par leta hua tha aur kuch gunguna raha tha. Ibn Sayyad ki maan ne Rasul Allah (Sallallahu Alaihi Wasallam) ko dekh liya ke Aap (Sallallahu Alaihi Wasallam) darakht ki aar liye chale aa rahe hain to wo kehne lagi Ae Saaf! ye Muhammad (Sallallahu Alaihi Wasallam) aa rahe hain. Ibn Sayyad hoshiyar ho gaya. Rasul Allah (Sallallahu Alaihi Wasallam) ne farmaya "Agar ise apne haal par rehne deti to baat zahir ho jati."
.

Hum se Abdullah Bin Muhammad ne bayan kiya, kaha hum se Sufyan ne bayan kiya Zuhri se aur un se Urwah ne aur un se Aisha (Radi Allahu Anha) ne ke Rifaa Qarzi (Radi Allahu Anhu) ki biwi Rasul Allah (Sallallahu Alaihi Wasallam) ki khidmat mein hazir huein aur arz kiya ke mein Rifaa ki nikah mein thi. Phir mujhe unhon ne talaq de di aur qatai talaq de di. Phir mein ne Abdur Rahman Bin Zubair (Radi Allahu Anhu) se shadi kar li. Lekin un ke paas to (sharmgah) is kapre ki gant-h ki taraf hai. Aap (Sallallahu Alaihi Wasallam) ne daryaft kiya "Kya tu Rifaa ke paas dubara jana chahti hai lekin tu is waqt tak un se ab shadi nahi kar sakti jab tak tu Abdur Rahman Bin Zubair ka maza na chakh le aur wo tumhara maza na chakh lein." Is waqt Abu Bakr (Radi Allahu Anhu) khidmat-e-nabwi mein maujood thay aur Khalid Bin Saeed Bin Aas (Radi Allahu Anhu) darwaze par apne liye (andar aane ki) ijazat ka intezar kar rahe thay. Unhon ne kaha, Abu Bakr! kya is aurat ko nahi dekhte Nabi Kareem (Sallallahu Alaihi Wasallam) ke samne kis tarah ki batein zor zor se keh rahi hai
.