Hum se Abdullah Bin Maslama ne bayan kiya, unhon ne Imam Malik se, unhon ne Nafi se, unhon ne Abdullah Bin Umar (Radi Allahu Anhuma) se ke Rasul Allah (Sallallahu Alaihi Wasallam) ne farmaya "Ghalam jo apne aaqa ka khair khwah bhi ho aur apne rabb ki ibadat bhi acchi tarah karta ho to ise dugna sawab milta hai."
.

Hum se Muhammad Bin Kaseer ne bayan kiya, kaha hum ko Sufyan Sawri ne khabar di Salih se, unhon ne Shabi se, unhon ne Abu Burda se aur un se Abu Musa Ash'ari (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Jis kisi ke paas bhi koi bandi ho aur wo ise poore husn-o-khoobi ke sath adab sikhaye, phir azad kar ke is se shadi kar le to ise dugna sawab milta hai aur jo ghalam Allah Ta'ala ke huqooq bhi ada kare aur apne aaqayou ke bhi to ise bhi dugna sawab milta hai."
.

Hum se Bishr Bin Muhammad ne bayan kiya, kaha hum ko Abdullah Bin Mubarak ne khabar di, kaha hum ko Yunus ne khabar di, unhon ne Zuhri se suna, unhon ne kaha ke mein ne Saeed Bin Musayyib se suna, unhon ne kaha ke Abu Hurairah (Radi Allahu Anhu) ne bayan kiya ke un se Nabi Kareem (Sallallahu Alaihi Wasallam) ne farmaya "Ghalam jo kisi ki milkiyat mein ho aur naiko kaar ho to ise do sawab milte hain." Aur Abu Hurairah (Radi Allahu Anhu) ne kaha, is zaat ki qasam jis ke hath mein meri jaan hai agar Allah Ta'ala ke raste mein jihad, hajj aur walda ki khidmat (ki rok) na hoti to mein pasand karta ke ghalam reh kar maroon
.

Hum se Ishaq Bin Nasr ne bayan kiya, kaha hum se Abu Usama ne bayan kiya, unhon ne Aamash se, un se Abu Salih ne bayan kiya aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Kitna accha hai kisi ka wo ghalam jo apne rabb ki ibadat tamam husn-o-khoobi ke sath baja laye aur apne malik ki khair khwahi bhi karta rahe."
.