Hum se Muhammad ne bayan kiya, kaha hum ko Abdullah ne khabar di, kaha hum ko Yahya Bin Saeed ne khabar di, unhein Hanzalah Bin Qais Ansari ne, unhon ne Rafi Bin Khadij (Radi Allahu Anhu) se suna, wo bayan karte thay ke Madinah mein humare paas khet doosron se ziyada thay. Hum kheton ko is shart ke sath doosron ko jotne aur bone ke liye diya karte thay ke khet ke ek muqarrara hisse (ki paidawar) malik-e-zameen lay ga. Baaz dafa aisa hota ke khas isi hisse ki paidawar maari jati aur sara khet salamat rehta. Aur baaz dafa saare khet ki paidawar maari jati aur ye khas hissa bach jata. Is liye humein is tarah ke muamla karne se rok diya gaya aur sona aur chandi ke badla theka dene ka to is waqt rawaj hi na tha
.