Hum se Abdur Rahman bin Younus ne bayan kiya, unhon ne kaha hum se Hatim bin Ismail ne Ja’d ke waaste se bayan kiya, kaha unhon ne Saaib bin Yazeed se suna, woh kehte the ke meri khaala mujhe Nabi Kareem Sallallahu Alaihi Wasallam ki khidmat mein le gayien aur arz kiya ke ya Rasoolallah! Mera yeh bhaanja beemaar hai, Aap Sallallahu Alaihi Wasallam ne mere sar par apna haath phera aur mere liye barkat ki dua farmaayi, phir Aap Sallallahu Alaihi Wasallam ne Wuzu kiya aur main ne Aap Sallallahu Alaihi Wasallam ke Wuzu ka bacha huwa paani piya. Phir main Aap Sallallahu Alaihi Wasallam ki kamar ke peeche khada ho gaya aur main ne mohr-e-nabuwwat dekhi jo Aap Sallallahu Alaihi Wasallam ke moondhon ke darmiyaan aisi thi jaise chhapar-khat ki ghundi. (Ya kabootar ka anda).