Hum se Muhammad Bin Bashar ne bayan kiya, kaha ke hum se Muhammad Bin Abi Adi ne bayan kiya, un se Shuba ne, un se Suleiman ne, un se Abu-al-Zuha ne, un se Masrooq ne aur un se Khabbab Bin Art (Radi Allahu Anhu) ne ke jahiliyat ke zamana mein mein lohar ka kaam kiya karta tha. Aas Bin Wail (kafir) par mera kuch qarz tha mein ek din is par taqaza karne gaya. Is ne kaha ke jab tak tu Muhammad (Sallallahu Alaihi Wasallam) ka inkar nahi kare ga mein tera qarz nahi doon ga. Mein ne jawab diya ke mein Aap ka inkar is waqt tak nahi karoon ga jab tak Allah Ta'ala teri jaan na le le, phir tu dobara utthaya jaye, is ne kaha ke phir mujhe bhi muhlat de ke mein mar jaoon, phir dobara utthaya jaoon aur mujhe mal aur aulad mile is waqt mein bhi tumhara qarz ada kar doon ga. Is par ayat nazil hui «Afara'aytal-ladhee kafara bi-ayatina wa-qala la-ootayanna malan-wa-walada * attala'al-ghaiba amit-takhadha indar-rahmani ahda» ”Kya tum ne is shakhs ko dekha jis ne hamari ayay ko na mana aur kaha (aakhirat mein) mujhe mal aur daulat di jaye gi, kya usay ghaib ki khabar hai ? ya us ne Allah Ta'ala ke han se koi iqrar le liya hai.“
.